fbpx
venerdì, Marzo 29, 2024
spot_img
HomeIn Primo PianoOresti e 'i perzuni onesti

Oresti e ‘i perzuni onesti

Pubblichiamo questa poesia di Armando Panetta che spiega, meglio di molte altre parole, la settimana appena trascorsa

Chi burdellu, parimai!

Vitti nta televisioni

tuttu u quagghju di li guai

c’’u spettaculu i Zaloni.

Era llà paratu a festa

sup’’o parcu, llà a Sanremu,

mu nci sduna nta la testa

i cusapi cchjù i cu’ è scemu.

Na storiella si mbentàu

e parrava di sta terra

e nta nenti scatenàu

putiferiu e puru guerra.

Si, pecchì ‘a protagonista,

sbenturata nta ssi vesti,

è ‘na donna a prima vista,

ma di nomu faci Oresti.

Aggarbata e assai gentili,

Cenerentola d’’i bboni,

sulu chesti d’’u Brasili,

calabrisi dadozioni.

Nta sta terra martoriata

jìa cercandu puru u zzitu,

e pemeritu i na fata

non fu cchjù ‘nu travestitu

e a na festa concepita

di lu rrè p’’o sofigghjolu,

pemmu trova u si marita

e mu pigghja sulu u volu,

si ndi jìu a ntrasattata

pemmu joca li soassi

e nto chjìnu d’’a sirata,

nci cuntavanu li passi.

Cà lu prìncipi sturdìu,

si ndavia già ‘nnammuratu

e, trovatu lu ricrijìu,

com’’a vitti dissi: HJIATU”.

Ndavia locchji mbacelati,

prontu puru pemmu bbutta,

com’’i megghju appassionati

non sapendu chi nc’è sutta.

Propria chillu era u problema,

ma u cervellu era partutu,

cchjù d’’u cori, chi patema,

chjusu ormai era nto mbutu.

Era prontu u faci lotti

pestamuri, m’’a cuntamu,

ma scoccata a menzanotti

tornau Eva mesti Adamu.

E fu prontu puru poi,

mu si joca lasu i mazzi,

ma lu rrè, lu patri soi,

non bbolìa mu sapi i cazzi

e nci dissi: propria a chistu

volarrissi mu ti pigghji?

Guarda, quantu è veru Cristu,

si non pigghji i mecunsigghji,

ti cancellu d’’a famigghja

comu figghju, pemm’’u sai,

pói mangiari, sai, canigghja,

quindi O-resti o ti ndi vai.”

Quandu ntisi nominari,

chillOresti fici scrusciu:

Si, ma mó non ti ncazzari,

pecchí già eu ti canusciu

e ti vitti cchjù i na vota,

propria ccà ‘nta sti ripati,

guarda comu gira a rota…

e mangiasti supprezzati!

Quindi, dai, non fari fera,

cheu tofigghju, sai, n’’o vogghju,

si nc’è micciu p’’a lumera,

ccà d’’a mia nci perdi logghjiu”.

Chistu è quantu si cuntàu

nta sirata Sanremisi

e cchjù dunu si ncazzàu

cà fu storia calabrisi.

Mó non vogghju pemmu dicu,

ma mi piazzi in verità,

era cosa mu m’’a stricu

pecchì ‘nc’è ‘natta realtà?

Susinceru, nzó chi penzu

di sta storia esti a morali,

d’’u messaggiu u giustu senzu,

chesti a cosa cchjù normali.

Armando Panetta

- Spazio disponibile -
- Spazio disponibile -
- Spazio disponibile -
ARTICOLI CORRELATI
- Spazio disponibile -

Le PIU' LETTE

- Spazio disponibile -